കിടക്കെട്ടെ അനക്ക് ഉമ്മച്ചിന്‍റെ ബക ഹാപ്പി ബര്‍ത്തട

ഉപ്പയും ഉമ്മയും ഞാനും അനുജത്തിയും അനുജനുംകൂടി അഞ്ചുപേരടങ്ങുന്ന പുരയില്‍ (തറവാട് എന്നും പറയാം) എന്‍റെ ജന്മദിനം അറിയുന്നവര്‍ രണ്ടു പേര്‍ മാത്രമേ ഉണ്ടായിരുന്നൊളു. അതില്‍ എല്ലാം ക്രത്യമായി എഴുതി വെക്കുകയും ഓര്‍മിക്കുകയും ചെയ്യുന്ന ഉപ്പ ഇന്നുജീവിചിരിപ്പില്ല . മറ്റെയാള്‍ക്കാണെങ്കില്‍ ഇംഗ്ലീഷ് മാസം മേയ് മുപ്പത്തൊന്നാം തിയതിയാണെന്നല്ലാതെ ഏത് വര്‍ഷം എന്നത് അത്രക്ക് അങ്ങോട്ട് ഓര്‍മ്മ വരുന്നില്ല. അറബിമാസം അറിയാം ന്നാലും അറബിവര്‍ഷവും ഓര്‍മയില്ല മഹിരിബ് ബാങ്കിന്‍റെ തൊട്ടുമുന്‍പാണ് പ്രസവിച്ചതെന്നും അടുത്തപുരയിലെ ജാനകി ഏടത്തിയാണ് നാള്നോക്കിയതെന്നും പൂരം നക്ഷത്രംമാണെന്നും ഉമ്മച്ചിക്കറിയാം.

ഹലോ ഉമ്മച്ചിയല്ലേ ? അതെടാ .. പടച്ചോനെ ഫോണും കയ്യികൊണ്ട് നടക്കാ ഇങ്ങള് ? അയിനു എനിക്കറിയല്ലോ ഇന്ന് ഇയ്യ് ബിളിക്കുംന്ന്. ഹൂം അതെന്താ ഇന്നിന് ഒരുപ്രത്യേകത ? അതൊക്കെ ഇണ്ടുമോനെ... അന്നേ പെറ്റത് ഞാനല്ലേ ?ഹ ഹാ.. അത് സെരി ന്നാ പോട്ടെ .

ഉമ്മച്ചിയെ എനിക്ക് ഇപ്പം എത്ര വയസായി ? ഇജു പോടാ എന്നെ കളിയാക്കാതെ എനിക്കറിയില്ലേ അന്‍റെ ബയസ് ഇപ്പം അനക്ക് ഒരു നാല്പതു ഒക്കെ ആയിക്കാണും. പടച്ചോനെ... ഇന്‍റെ മോന് ഇരുപത്തിഒന്നാം ബയസിലേക്ക് കടന്നു... ഓന്‍ ഇപ്പം പതിനാലാം ക്ലാസിലാ പഠിക്കുന്നത് ന്നട്ടും എനിക്ക് നാല്‍പ്പതെന്ന് പറയാ ഇങ്ങള് ? ഉമ്മച്ചിയെ ഞാന്‍ 1967 അല്ലേ ജനിച്ചത്‌ അപ്പം എനിക്ക് നാപ്പത്തിനാല് ആയിലെ ? ഇജു പോടാ മുണ്ടാണ്ട് അന്‍റെ ഒരു കൊട്ടകണക്ക് ഇജു കിള്ളകുട്ട്യാക്കുമ്പോള്‍ അന്‍റെ ഇപ്പ അന്നെപിടിച്ചു പെണ്ണ് കെട്ടിച്ചത്കൊണ്ട് അന്‍റെ അത്ര ബെലുപ്പത്തില്‍ തന്നെയുള്ള മോന്‍ അനക്കുണ്ടായത് അതിപ്പം ന്‍റെ കുറ്റംകൊണ്ടാണോ ? ആട്ടെ അന്‍റെ വിടര്‍ക്കും കുട്ട്യേക്കും അറിയോ അന്‍റെ പിറന്നാള് ഇന്നാണെന്ന്

വിടര്‍ക്ക് അറിയോന്ന് ചോദിച്ചാല്‍ അറിയാന്നും പറഞ്ഞൂടാ ന്നാ എട്ടു അറിയൂലാനും പറയാന്‍ ബെയ്യ. മക്കള്‍ക്ക് നാലാള്‍ക്കും അറിയാം അത് മോന്‍ അവരെ പഠിപ്പിച്ചതാണ്. അതില്‍ മോള് പാത്തൂന്ന് ഇപ്പന്‍റെ ബര്‍ത്ത് ഡേ എന്നാമോളെന്നു ഇങ്ങള് ചോദിച്ചാല്‍ പറഞ്ഞുതരും ഓളെ സ്കൂള്‍ തുറക്കുന്നതിന്‍റെ തലേദിവസമെന്ന്. പിന്നെല്യേ ഉമ്മച്ചിയെ ഇന്ന് എന്‍റെ കുറെ ചങ്ങായിമാര് കുവൈത്തിന്നും, നാട്ടിന്നും, കത്തറിന്നും, ദുബായ്ന്നും എന്നിക്ക് പിറന്നാള്‍ ആശംസകള്‍ അറിയിച്ചു ന്നട്ടും ഇങ്ങളെന്താ എന്നോട് ഹാപ്പി ബര്‍ത്ത് ഡേ എന്ന്‌ പറയാത്തത്

അല്ലമോനെ ഈ കണ്ട രാജ്യത്ത് ഉള്ള ആളുകള്‍കൊക്കെ അന്നേഅറിയോ അന്‍റെപിറന്നാള്‍ ഇന്നാണെന്ന്അറിയോ ? ഹുംഅറിയാം. അതെങ്ങിനെ ? അത് ഉമ്മച്ചിയെ ഇന്‍റെര്‍നെറ്റ് വഴിയുള്ള പരിജയമാണ്. അതെന്താ ? ഹോ ഉമ്മച്ചിയെഅത്രൊക്കെ അറിഞ്ഞാല്‍മതി .

പടച്ചോനെ അടുത്ത പുരയിലെ അലവിയെ കണ്ടാല്‍ സലാം ചൊല്ലാന്‍ ആളുക്കാര്‍ക്ക് മടിയാണ് അങ്ങനത്തെ ആള്‍ക്കാരാണ്ആ കുന്തരതാനത്തില്‍ കുത്തികളിച്ചുകൊണ്ട് ദുനിയവായ ദുനിയാവ് മുയ്മനും സലാംചൊല്ലുന്നു കലാംപറയുന്നുപിറന്നാള്‍ആശംസിക്കുന്നു കാലം പോയെപോക്കെ ഈ ദുനിയാവ് ആകേ ചെറുതായി ബെരയിക്കും. പിറന്നാളായിട്ട് ഉമ്മച്ചിഅനക്ക് എന്തെയ്നും ആ പറച്ചില്‍ ? ഹാ കിട്ടിപോയി കിടക്കെട്ടെ അനക്ക് ഉമ്മച്ചിന്‍റെ ബക ഹാപ്പി ബര്‍ത്തട അല്ല പിന്നെ ....!

ഞമ്മളെ സ്വന്തം വായനശാല :

കിളവന്‍മാരുടെ ഒടുക്കത്തെ വായന തിരൂലെ? ഇവരെന്താ പേപ്പര്‍ തിന്നണോ? പൊലചെക്കെന്നെ എയ്നേറ്റു ഇബടെ ബന്നു കുത്തിരിക്കും ഹും... ഒടുക്കത്തെ ഒരു ഇരുത്തം മുപ്പരെ കുളൂസ് കണ്ടിലെ കാതില്‍ തിളങ്ങുന്ന സ്വര്‍ണ്ണത്തിന്‍റെ ഒരു കടുകന്‍ ഉണ്ട് കുപ്പായും ഇടുലാ ചെരിപ്പും ചവിട്ടുലാ ഇബടത്തെ നാട് വാഴി ആണുന്നാ ബിജാരം.

ഹും അപ്പുറം അതാ... വേറൊന്നു ഇരിക്കിണത് കണ്ടിലെ ആ സിമെന്റ്റ് ബെഞ്ചിന്‍റെ ചുറ്റും ബെത്തിലാടക്ക തിന്ന് തുപ്പി നാറിക്കും വായെന്നു അതാഒലിക്കുന്നു ബെത്തിലാടക്കനീര് ഹോ... തോളില്‍ ഇരിക്കുന്ന തോര്‍ത്ത്‌ എടുത്തു ഇടക്ക് തൊടക്കുന്നുണ്ട് കൊടവയറന്‍

വേറൊന്നു അതാ അപ്പുറത്തെ ബെഞ്ചില്‍ ഒരു ഗള്‍ഫ്‌കാരന്‍ കയ്യില്‍ ഒരു സൈക്കോ ഫൈവ് വാച്ചും പല വര്‍ണ്ണത്തിലുള്ള പോളിസ്റെര്‍ ലുങ്കിയും അതിനൊത്ത ഒരു ബനിയനും ബലത്തെ കയ്യിന്‍റെ തള്ള വിരലില്‍ ഒരു അക്കിക്ക് കല്ലിന്‍റെ ഒണക്ക മോതിരം ഇടക്ക് ഇടക്ക് ബെറുതെ ചിരിക്കും മുപ്പരെ സ്വര്‍ണത്തിന്‍റെ പല്ല് നാട്ടാരെ കാണിക്കാന്‍ വേണ്ടി എന്താ ബടായി മുപ്പര്‍ക്ക് ഇന്നാലും സ്വന്തായിട്ട്‌ ഒരു പേപ്പര്‍ പൊരേല് മാങ്ങി കൂടെ? മുപ്പര്‍ക്ക് പൈസ ഇന്ടെന്നു പറഞ്ഞിട്ടെന്താ കാര്യം പിശുക്കന്‍ ബടായി ഗള്‍ഫാരന്‍

ഹോ ഒരു കൂട്ടം ഇരിക്കുന്നത് കണ്ടിലെ ബെല്യ ഒരു ഹജിയാരും അയാള്‍ക്ക് മൂളികളായ കൊറച്ചു കോന്തന്മാരും രാവിലെ തൊട്ടു ബെയ്നേരം ബരെ നാട്ടിലെ സകല ആളുകളെയും പറ്റി കുറ്റം പറയാലാണ് ഇവരെ പണി ഇപ്പം ഏന്താ ഇവന്‍ മാര്‍ പറയുന്നത് ഒന്ന് കേട്ടു നോക്കിയാലോ? അയ്യേ വിര്ത്തികെട്ടവന്മാര്‍ ഏതോ ആലികാക്കന്‍റെ ജമീല പെറ്റകഥ പടച്ചോനെ ഇവന്മാര്‍ അതിനെ ചെണ്ടും പറയും ബെച്ചു ഇന്ന് ഈ നാട്ടിലെ സകല മനുസ്യന്മാരെയും ചെവിട്ടില്‍ എത്തിക്കും

ഹും... വായനശലന്റെ ബെല്യ ആള്‍ക്കാര് ആണെന്നാ മുറിയിലിരുന്നു ബായിക്കിണ കോളേജ് കുമാരന്‍ മാരുടെ ബിജാരം സകല പഞ്ചാരടി പുസ്തകങ്ങളും തെരയാണ് അവന്മാര്‍ ഇന്നട്ടു ബുക്കിലുനോക്കി ബെല്യ സാഹിത്യക്കാരന്‍റെ ചേല്ക്ക് പ്രേമലേഖനം എയ്തനാണ്. അങ്ങോട്ട് പോണ്ടാ അവന്മാര്‍ തലക്ക് കുത്തും

അള്ളാ ഞമ്മളെ സ്വന്തം ആള് ബെരുന്നുണ്ട് മുപ്പര് എപ്പോളും ഇന്സൈട് ചെയ്തു നല്ല പത്രാസിലാ നടക്കല്‍ മുപ്പര്‍ക്ക് ഗവര്‍മെണ്ടിലാ പണി ചെലെപ്പം മുപ്പരായിരിക്കും ഞമ്മളെ നാട്ടിലെ ഇത്തിരി വെവരം ഉള്ള ആള്‍ മുപ്പര് ഞമ്മളെ ആഗസ്ത് പതിന്ജിന്നും റിപബ്ലിക് ദിനതിന്നു പാട്ടും, കസേരകളിയും, ഡാന്‍സും ഒക്കെ കളിപ്പിച്ചു സമ്മാനവും മിട്ടായിയും ഒക്കെ തെരും മുപ്പര് വായനശാലന്‍റെ എന്തോ ബെല്യ ആളാണ്‌ .

ഇതിനിടയിലാ ഒരു ചോദ്യം ഇജു എന്താണ്ടാ നൊടിയിണത് ഹേയ് ഒന്നുമില്ലിയാ അപ്പോയെക്കും വായിക്കാതെ ഒയിവാക്കി വെച്ചിരിക്കുന്ന സിനിമാ പരസ്യവും, സ്പോര്‍ട്സ് പേജും ബെഞ്ചിലിരുന്നു ബയിക്കുന്നവരുടെ മുന്‍പില്‍ പോയിരുന്നു ഹെഡ് ലൈനും ബയിക്കുന്നവരുടെ തോള്‍ ഭാഗത്തുകൂടി ഉള്‍പേജും ഞമ്മള് ബയിച്ചു കയിഞ്ഞിരിക്കും

ബീണ്ടും ഒരു ചോദ്യം അനക്ക് എന്താ ഇന്ന് സ്കൂള്‍ ഇല്ലേ? ഉണ്ട് എന്നും പറഞ്ഞു ഞമ്മള് സൈക്കിള്‍ റീം ബെന്‍സ് കാര്‍ സ്റ്റാര്‍ട്ട്‌ ചെയ്തു ഓടിയിരിക്കും പിന്നെ അവിടെ നിന്നാല്‍ മായിന്‍ ബീഡി അല്ലെങ്കില്‍ ബെത്തിലാടക്ക മങ്ങാന്‍ പോകേണ്ടി ബെരും. അല്ലപിന്നെ ഞമ്മലോടാണോ കിളവന്മാരുടെ കളി !

എല്ലാദൌസും ഉമ്മചിക്ക് ആശംസകള്‍ :

ഉമ്മച്ചിന്‍റെ കാല്‍ പാദത്തിനടിയിലാണ് എന്‍റെ സുബര്‍ക്കം. ഉമ്മ തന്നെ ദൈവം, ഉമ്മതന്നെ തണല്‍, ഉമ്മ തന്നെ സ്വാന്തനം , ഉമ്മതന്നെ ഗുരു, ഉമ്മയുടെ മുല ഞെട്ടില്‍ നിന്നും ആദ്യമായി നുണഞ്ഞു കുടിച്ച മുലപാല്‍ എനിക്ക് വിസപ്പടക്കാന്‍ ഉള്ളതെന്ന തിരിച്ചറിവിന്‍റെ ആദ്യ പാഠം എന്നേ പഠിപ്പിച്ചു. ഉമ്മയുടെ വിരല്‍ തുമ്പില്‍ പിടിച്ചു പിച്ചവെച്ചു ഞാന്‍ നടന്നു പഠിച്ചു ഉമ്മയുടെ ആദ്യ ചുമ്പനതിന്നും നിന്നും ഞാന്‍ സ്നേഹം പഠിച്ചു

ആ മടിയില്‍ ഒന്ന് തല ചായ്ച്ചാല്‍ തീരാവുന്നതൊളൂ എന്‍റെ സങ്കടങ്ങള്‍, എന്‍റെ പ്രയാസങ്ങള്‍, പ്രവാസ ജീവിതത്തിലെ ജയ പരാജയങ്ങളില്‍ വീര്‍പ്പു മുട്ടുമ്പോള്‍ ഒരു ഫോണ്‍ കാളിലുടെ ആ സബ്ദം ഒന്നുകേട്ടാല്‍ ഉമ്മയുടെ സ്വാന്തനത്തിന്റെ സമദാനിപ്പിക്കലിന്റെ സ്വരം ഒന്ന് കാതില്‍ വീണാല്‍ അതോടു തീരും എനിക്ക് ഈ ദുനിയാവിലെ സകല വിസമങ്ങളും


ഉമ്മയിലൂടെ ഞാന്‍ ദൈവത്തെ കാണുന്നു, അറിയുന്നു, ഞാന്‍ അന്ന് തടഞ്ഞു വിഴാന്‍ നേരത്ത് ഉമ്മ ആര്‍ത്ത് വിളിക്കുന്നു അള്ളാ എന്‍റെമോന്‍ അതിലൂടെ ഞാന്‍ ആദ്യമായ് ദൈവത്തിന്‍റെ പേര്പഠിച്ചു ഞാന്‍ എന്ത് തെറ്റ് കുറ്റങ്ങള്‍ ചെയ്താലും ക്ഷമ ചോദിക്കാതെ ക്ഷമിക്കുന്നവള്‍ ഉമ്മ എതോരുകാര്യതിന്നും ദൈവത്തിനോട് പറഞ്ഞാല്‍ കാത്തുനില്‍ക്കണം ഉമ്മയോട് പറഞ്ഞാല്‍ കാത്തു നില്‍ക്കാതെ കാര്യങ്ങള്‍ നേടാം ഞാന്‍ ഒന്ന് കരഞ്ഞാല്‍ കൂടെ കരയാന്‍ ആരെക്കാളും മുന്‍പേ എനിക്കെന്‍റെ ഉമ്മ മാത്രം

അങ്ങിനെയുള്ള ലോകത്തില്‍ ഇരുപതാം നൂറ്റാണ്ടു വരെ ഉണ്ടായിരുന്ന എന്‍റെ ഉമ്മക്കും അതുപോലെ ലോകത്തിലെ എല്ലാ ഉമ്മമാര്‍ക്കും അമ്മമാര്‍ക്കും എന്നും എല്ലാ നേരവും ആശംസകള്‍ നേരുന്നു.


എന്നാല്‍ പിന്നെ എന്തിനാ അയ്മുട്ടിയെ ഈ ഇരുപത്തിഒന്നാം നൂറ്റാണ്ടിലെ മുലപാല്‍ പോലും കുഞ്ഞിന്നു കൊടുക്കാതെ ഉദ്യോഗത്തിന്‍റെയും പരിസ്ക്കാരത്തിന്‍റെയും പേരില്‍ കുഞ്ഞിന്നു ബേബി ഫുഡ്‌ അണാക്കില്‍ ഒഴിച്ചുകൊടുത്തും മുലയുട്ടിയാല്‍ മാറ് ഇടിഞ്ഞു പോക്കും പിന്നെ മൊല കാങ്ങാന്‍ ചേല്‍ ഇല്ല എന്നും പറഞ്ഞു നടക്കുന്ന പച്ചപരിസ്ക്കാരികള്‍ സ്വന്തം കുഞ്ഞിനെ കോണ്‍വെന്‍റ്റില്‍ നിറുത്തി വളര്‍ത്തു പട്ടിയെ താലോലിച്ചു കൂടെ കിടത്തിയും നടക്കുന്നവര്‍ നടത്തുന്ന ഒരു പ്രത്യക ദിനം വേണോ? ഇരുപതാം നൂറ്റാണ്ട് ബരെ ഞമ്മള്‍ കണ്ടതും പഠിച്ചതുമായ ലാളിച്ചു കൊഞ്ചിച്ചു വളര്‍ത്തിയ പെറ്റമ്മയെ സ്നേഹിക്കാന്‍ ? പത്തുമാസം വയറ്റില്‍ ചുമന്നു നാട്ടു വയറ്റാട്ടി പുറത്തെടുക്കുന്ന അന്നുമുതല്‍ മുലപാല്‍ ഊട്ടിയും മാറിലെ ചുടുനല്‍ക്കിയും ഊണും ഉറക്കവും കളഞ്ഞു വളര്‍ത്തി വലുതാക്കുന്ന ഉമ്മയെ എല്ലാ ദിവസവും നമുക്ക് ഓര്‍മിച്ചുകൂടെ?

അയ്മുട്ടിയെ ചെറിയ സതമാനം ഇരുപത്തൊന്നാം നൂറ്റാണ്ടിലെ ചിറ്റമ്മമാര്‍ക്ക് വേണ്ടിയുള്ളതാണ് ഈ പ്രത്യേക ഉമ്മ ദിനം ആസുപത്രീയില്‍ നിന്നും പ്രാസവും കഴിഞ്ഞു അല്ലെങ്കില്‍ സമയ കുറവ് കാരണം നല്ല നാള്‍ നോക്കി ഡോക്ടറുടെ നേരം നോക്കി തൊരന്നു പുറത്തെടുത്തു യോനിയും തുടച്ചു കുഞ്ഞിനെ കുപ്പിപാലുമായി ആയയെ കയ്യില്‍ ഏല്‍പ്പിച്ചു വളര്‍ത്തു നായയെ മടിയില്‍ വെച്ച് കൊന്ജിച്ചു ലാളിച്ചു കാറില്‍ കേറി സ്വാന പ്രദര്‍സനതിന്നു പോക്കുന്ന ഈ കൂതറ മക്കള്‍ അമ്മ ദിനം നടത്തുന്നതിനു മുന്നേ വൃദ്ധ സദനത്തില്‍ ചെന്ന് ഉമ്മക്ക് സുഖമാണോ എന്ന് അന്വേഷിക്കട്ടെ . ഇരുപത്തിഒന്നാം നൂറ്റാണ്ടിലെ പരിസ്ക്കരിയായ ഉമ്മമാര്‍ക്കും കിടക്കട്ടെ ഒരു ഉമ്മ ദിനാശംസകള്‍ അല്ലപിന്നെ !!!

ആ മയ്യത്ത് ഓന്‍ കൊണ്ടോയി പുയിങ്ങി തിന്നോട്ടെ:

ഏന്താ ഇവരൊക്കെ കൂടി ടി.വി ന്‍റെ മുന്‍പില്‍ പൊതിഞ്ഞു നിക്കുന്നത്. ഏന്താ മക്കളെ അതില്‍ ഇത്ര പിരിസത്തില്‍ കാങ്ങാനുള്ളത് ? ന്‍റെ ബെല്ലിമ്മാ... ഇങ്ങളെ കൊണ്ട് തോറ്റു. ഈ ദുനിയാവിലെ സകല കാര്യങ്ങളും ഇങ്ങക്ക് അറിയണോ ? അയിനു ഇജു എന്തിനാടി എന്നോട് പടവെട്ടുന്നത് എനിക്ക് അറിയാന്‍ പറ്റാത്ത വല്ല കാര്യവും അതില്‍ ഉണ്ടോ ? ഹോ ദേഷ്യം പിടിക്കല്ലേ... ബെല്ലിമ്മാ ഇവിടെ വന്നു നോക്ക് ലോക തീവ്രവാദിയെന്നും, ഭീകരവാദിയെന്നും പറയപ്പെടുന്ന ഒരുത്തനെ അതിനേക്കാള്‍ എത്രയോ മടങ്ങ്‌ വലിയ ലോക ഭീകരവാദിയും ദുനിയാവിനെ തന്നെ ചെല്പ്പടിക്ക് നിര്‍ത്തിക്കുന്ന ലോകപോലിസ് എന്ന് സ്വയം തീരുമാനിച്ചു ഇറങ്ങിയവര്‍ കൊലപെടുത്തി എന്നാണ് പറയപെടുന്നത്. എന്നാല്‍ ഇതു വരെ അതിന്‍റെ ചിത്രങ്ങള്‍ ഒന്നും കാണിച്ചിട്ടില്ല ഇപ്പോള്‍ കാണിച്ചു കൊണ്ടിരിക്കുന്നത് കമ്പ്യൂട്ടര്‍ ഒപയോഗിച്ചു സൂത്രപണിയില്‍ നിര്‍മ്മിച്ച ചിത്രങ്ങളാണ് .

അതെന്താടി ഈ തീവ്രവാദിയും ഭീകരവാദിയും എന്നൊക്കെ പറഞ്ഞാല്‍ ? അത് ബെല്ലിമ്മാ മതത്തിന്‍റെയും, ജാതിയുടെയും, നിറത്തിന്‍റെയും, രാജ്യത്തിന്‍റെയും, പേരും പറഞ്ഞു സതാരണ മനുഷ്യന്‍ മാരെയും രാജ്യത്തെയും ഒക്കെ അടിമകളാക്കുകയും. എതിര്‍ക്കുന്നവരെ കൂട്ടത്തോടെ നശിപ്പിക്കുകയും ചെയ്യാന്‍ ഇറങ്ങി പുറപ്പെട്ട ഒസാമാ ബിന്‍ ലാദനെ പോലെ കുറെ ആളുകള്‍ ഉണ്ട് ഈ ദുനിയാവില്‍. അവരെ കൊണ്ടാണ് ഭീകരവാദിയെന്നും തീവ്രവാദിയെന്നും ഒക്കെ പറയുന്നത്. അവര്‍ ചെയ്യുന്നത് സതാരണ മനുഷ്യനെ കൊന്നോടുക്കുകയാണ് .

നേരാണോ ഇജു പറയുന്നത് മോളെ ഓന്‍റെ ഫോട്ടോ ആണോ ഇപ്പം ടിവിയില്‍ കാണിക്കിണത്ത്? അതെ ബെല്ലിമ്മാ ഇങ്ങള് നോക്കി. എബടെ നോക്കട്ടെ "അസ്ഥഹാഫിറ്ള്ളാ" എടീ... ഇബിലിസിന്‍റെ മോളെ എന്ത് ഒരുംബെട്ട ബര്‍ത്തനാണ്ടി ഇജു പറയുന്നത് ഇവളോട്‌ ഇജു പൊറുക്കണം റബ്ബേ .. എമ്മാതിരി ഹാലിമായ മനുഷ്യനെ പറ്റീയാ ഇവള്‍ പറയുന്നത് ആ മുഖത്തേക്ക് നോക്കിയാല്‍ ഈമാന്‍ന്‍റെ ബെളിച്ചം കാണുന്നില്ലേ അനക്ക്. ഇജു ന്‍റെ മോളെ പള്ളയില്‍ തന്നെ പിറന്നല്ലോ ചെയ്ത്താനേ... എണീച്ചു പോടീ... ന്‍റെ കണ്ണിന്‍റെ മുന്പ്പിന്നും.

ബെല്ലിമ്മാ ഇങ്ങള് കാര്യം അറിയാതെ എന്നേ ചീത്ത പറയല്ലേ... ഇതിന്‍റെ ഉള്ളുക്കള്ളി ഇങ്ങക്ക് അറിയണോ? എന്ത് ഉള്ളുക്കളിയാണ്ടി അനക്ക് അറിയുന്നത്. മദ്രസ്സയിലും സ്കൂള്‍ലും അന്നേ പഠിപ്പിച്ചത് മൊല്ലാക്കമാരെയും , ഖത്തിബ്മാരേയും, ദീന്‍ കൊണ്ട് നടക്കുന്നവരെയും കളിയാക്കാന്‍ മേണ്ടിയണോ ഇബിലിസേ ? ഇതുനല്ല കൂത്ത്. ന്‍റെ റബ്ബേ പെണ്ണിന്‍റെ അഹമദി കണ്ടിലെ . എന്നാ പിന്നെ ഞാന്‍ ഒന്നും പറയുന്നില്ല ഇങ്ങള് എന്നെ കാര്യം അറിയാതെ ചീത്ത വിളിക്കുകയാണ്‌.

അല്ലെങ്കിലും ഈ ദുനിയാവില്‍ ഹാലിമായ മനുസ്യന്മാരെ കൂടെ പെസാതും പിത്തനയും പറഞ്ഞു നടക്കാനും വഴിതെറ്റിക്കാനും പണ്ട് മുതലേ ജൂതന്മാര്‍ ശ്രമിചിടുണ്ട് അവരെ സൂക്ഷിക്കാന്‍ പടച്ചോന്‍ ഖുര്‍ഹാനിലും പറഞ്ഞിടുണ്ട്. എന്നാല്‍ ഇമാനുള്ള ഒരുത്തനെയും ഒറ്റ ചക്ക്രവര്ത്തിമാര്‍ക്കും , ഇബിലിസിനും, ജിന്നിനും, ചെയ്താനും, വഴിപിയപ്പിക്കാന്‍ പറ്റൂലമോളെ... ഇമാന്‍റെ അടയാളം ആ മുഖത്ത് ചന്ദ്രന്‍ ഉദിച്ചു നില്‍ക്കുന്ന പോലെ ഉദിച്ചു നില്‍ക്കുന്ന ആ മനുഷ്യനെ പറ്റീ എന്താ ആനക്ക് പറയാന്‍ ഉള്ളത് ഇജു പറയ്‌ ഞമ്മള് കേക്കട്ടെ .

ഞാന്‍ പറയാം ക്ഷമയോടെ കേള്‍ക്കുക എന്നെ ചീത്ത പറയരുത് ട്ടോ. ഇങ്ങള് കണ്ട നെറ്റിയില്‍ ചന്ദ്രതിളക്കമുള്ള ഒസാമാ എന്ന മനുഷ്യന്‍ ജനിച്ചത്‌ തന്നെ അല്ലാഹുവിന്റെ തിരുദുദര്‍ പിറന്ന മണ്ണില്‍ ആയതിനാല്‍ ഇസ്ലാം ദീന്‍ നല്ലവണ്ണം പഠിച്ച ആള്തന്നെ. ഇസ്ലാം ദീന്‍ മാത്രമല്ല പഠിച്ചത് ഈ ലോകത്തിനാവശ്യമായ മറ്റു പലതരത്തിലുള്ള പഠിപ്പും അയാള്‍ നല്ലവണ്ണം പഠിച്ചിരുന്നു. തീര്‍ന്നില്ല പണ്ട് നെഹറു കുടുംബത്തിലെ ആരോ ഇന്ത്യ രാജ്യത്തെ പൈസ തന്നാല്‍ തിരികെ തരോ എന്ന് വെള്ളക്കാരനോട് ചോദിച്ചു എന്ന കഥ പോലെയല്ല. മറിച്ച് ചെറിയ ഒരു രാജ്യത്തെ തന്നെ പൈസകൊടുത്ത് വാങ്ങിക്കാന്‍ കഴിവുള്ള അത്രക്കും സമ്പത്തുള്ള ആളായിരുന്നു. കൂടാതെ സൌദി രാജ്യകുടുംബവുമായി വളരെ അടുത്ത ബന്തവും അയാള്‍ക്കും കുടുംബത്തിന്നും ഉണ്ടായിരുന്നു.

ഇത്രയൊക്കെ പഠിപ്പും വിവരവും പൈസയും ഒക്കെ ഉള്ള ആ മനുഷ്യന്‍ പിന്നെ എന്തിനാ ഇജു പറയുന്നപോലെ ആളെ കൊല്ലാന്‍ നടക്കുന്നു മുപ്പരെ രാജ്യത്തെ ആരെങ്കിലും അക്ക്രമിചിരിക്കും അല്ലെങ്കില്‍ ദീനിന്നു വിരോധമായവര്‍ പറഞ്ഞു പരത്തുന്ന കള്ള കഥയായിരിക്കും ന്നട്ട് ആ പൈസയും മൊതലും ഒക്കെ പറ്റിക്കാന്‍ മേണ്ടി .

ബെല്ലിമ്മാ... ഇങ്ങള് എപ്പോളും എന്നോട് പറയാറില്ലേ കൂടുതല്‍ പഠിച്ചാല്‍ മനുഷ്യന് ഭ്രാന്ത് വരുമെന്ന് അത് വളരെ ശെരിയാണ് ഇയാള്‍ക്കും പഠിച്ചു പഠിച്ചു തലക്ക് വട്ടു പിടിച്ചു. ആദ്യം ഒക്കെ ഒരുമാതിരി ഇസ്ലാമിക സ്നേഹത്തിന്റെ പേരില്‍ ആളുകളെ ഇസ്ലാമിലേക്ക് ക്ഷണിക്കുകയും നിസ്ക്കരിക്കാനും സക്കാത്ത് കൊടുക്കാനും നല്ലരിതിയില്‍ നടക്കാനും മറ്റുമുള്ള ഉപദേശത്തിന്റെയും മറ്റും പിരാന്തായിരുന്നെങ്കില്‍ പിന്നിടത് പടര്‍ന്നു പന്തലിച്ചു ലോകത്തിനു തന്നെ ഭിഷണിയാകുകയും അതുമൂലം ഇസ്ലാം മതം എന്ന്‌ കേട്ടാല്‍ തന്നെ ഭികരവാദികള്‍ എന്ന്‌ നമ്മുടെ കൊച്ചു കേരളംപോലും പറയുന്ന രീതിയില്‍ കാര്യങ്ങള്‍ എത്തിച്ചു. അതിന്‍റെ ഒക്കെ മുഴുവന്‍ ഉത്തരവാദിത്തവും അയാളുടെയും അനുയായികളുടെയും ഇസ്ലാമിന്റെയും തലയില്‍ കെട്ടിവെക്കാനും ലോകത്ത് തന്നെ ഇസ്ലാമിനെ തകര്‍ക്കാന്‍ ശ്രമിക്കുന്നവര്‍ മടിക്കുന്നില്ല . ബെല്ലിമ്മാ ഇങ്ങക്ക് കേള്‍ക്കണോ കടുത്ത മനുഷ്യ സ്നേഹവും ഇസ്ലാമികതയും ഉള്ള ഇയാള്‍ക്ക്. ചെറിയ തോതില്‍ ഇസ്ലാമിന് നേരെ ഇന്ത്യ ഉള്‍പ്പെടെ ലോകത്തിന്‍റെ പല ഭാഗത്തും അരങ്ങേറിയ അക്ക്രമങ്ങള്‍ കാണുമ്പോള്‍ സ്വാഭാവികമായും ഇയാളെ തലയില്‍ തിരിച്ചഅക്ക്രമിക്കണം എന്ന ചിന്ത ചെറിയതോതില്‍ കയറിയിരിക്കാം... പിന്നിടുള്ള അയാളുടെ പ്രവര്‍ത്തികളും പ്രസംഗങ്ങളും സൌദി അറേബ്യക്ക് പുറത്തുള്ള ആളുകള്‍ അറിയാനും ചെറിയ ഒരു സതമാനം അനുകൂലിക്കുന്നവര്‍ വളരെ ചെറിയ തോതില്‍ അയാളുടെ കൂടെ കൂടാനും തുടങ്ങി. ഇസ്ലാമിക രാജ്യങ്ങളുടെയും ഇസ്ലാമിന്റെയും സാമ്പത്തിക,വിദ്യഭിയാസ വളര്‍ച്ചയില്‍ അസൂയപൂണ്ട ലോകത്ത് തന്നെ ഏറ്റവും വലിയ ഭീകരന്മാര്‍ എന്ന്‌ നമുക്ക് വിശേസിപ്പിക്കാവുന്ന അമേരിക്ക അവരുടെ ലോകപോലിസ് കളിയില്‍ കൂടെ നിര്‍ത്തിയിരിക്കുന്ന വെള്ളക്കാരന്റെ രാജ്യങ്ങളും, എക്കാലത്തു നമ്മുടെ ഇന്ത്യാ രാജ്യത്തെ പോലും നശിപ്പിക്കാന്‍ കച്ചകെട്ടി ഏത് പന്നിയെയും കൂട്ട് പിടിക്കുന്ന പാക്കിസ്ഥാനും, വന്‍കിട ആയുധ നിര്‍മാണ കമ്പനികളും ചേര്‍ന്ന് ഇയാളുടെ ബലഹീനത(ഇസലാമിക സ്നേഹം)മനസിലാക്കി മുതെലെടുക്കാന്‍ തിരുമാനിച്ചു. പതുക്കെ ഇയാളുടെ കൂടെ കൂടി ഇയാള്‍ക്ക് വളരാന്‍ ഉള്ള സകല വിധ ഒത്താശയും ചെയ്തുകൊടുക്കുകയും പതുക്കെ ഇയാളെ ഒന്നാം തരം ഭീകരവാദി ആക്കുകയും ചെയ്തു. എന്നാല്‍ ഇതൊക്കെ കണ്ടു കേട്ടും അറിഞ്ഞു നിന്ന അറബ് സമൂഹം ലോകപോലിസിനെ ഭയന്നിട്ടോ അതൊ അവരുടെ ഇമാം അമേരിക്കയാണ് എന്നുകരുതിട്ടോ സ്വന്തം സഹോദരന്‍ തെറ്റിലേക്ക് നിങ്ങുന്നത് തടഞ്ഞില്ല എന്നുമാത്രമല്ല രഹസ്യമായും പരസ്യമായും അമേരിക്കന്‍ ഉപദേശ പ്രകാരം പ്രോത്സാഹനം നല്‍ക്കുകയും ചെയ്തു . ഇയാളെ ഭീകരവാദ കസേരയില്‍ ആദ്യമായി കേറ്റി വെച്ചത് അന്നത്തെ അമേരിക്കന്‍ ഭരണകൂടം തന്നെ.

ബെല്ലിമ്മാ ഇങ്ങക്കറിയോ ഈ വര്‍ഗീയവെറി പിടിച്ചവനെ ആദ്യമായി അമേരിക്കന്‍ ഉപയോഗിച്ചത് ഒരു കമ്മ്യൂണിസ്റ്റ്‌ നാടായ സോവിയറ്റ്‌ യുണിയന്നു നേരെ ഒളിഅക്ക്രമം നടത്താന്‍ ആയിരുന്നു അതിനു വേണ്ടി അവന്‍റെ തലയില്‍ മുസ്ലിംവിഷം കുത്തിവെച്ചു അഫ്ഖാനിസ്ഥാനിലെ മുസ്ലിം ജനത്തിനെ റഷ്യ അക്ക്രമിക്കുന്നു അവന്‍റെ രാജ്യത്തെ നശിപ്പിക്കുന്നു മുസ്ലിം സഹോദരന്മാരാണ് അവരെ പോയി സഹായിക്ക് തനിക്ക് എന്ത് സഹായം വേണമെങ്കിലും ഞങ്ങള്‍ പിറകിലുണ്ട് എന്ന് പറഞ്ഞു അവിടേക്ക് അയക്കുന്നു. ഈ പിരാന്തന്‍ അന്നുമുതല്‍ അവനെ കൊന്നു എന്ന് പറയുമ്പോളും സതാരണ ജനത്തിനെ കൊന്നു ഒടുക്കി കൊണ്ടിരുന്നു. അവസാനം ഇവന്‍ പാല്‍ കൊടുത്ത കൈക്ക് തന്നെ കൊത്തി. ഒരു ചെറിയ വര്‍ഗീയവാദിയായിരുന്ന ഒസാമയെ തീവ്രവാദിയാക്കിയും പിന്നെ ലോക ഭീകരവാദിയാക്കിയും കളിചോന്നു പലനിലക്കും ഇയാളോട് പണികിട്ടുകയും ചെയ്തു. ഇവന്‍ തന്‍റെ ഉള്ളില്‍ ഉണ്ടായിരുന്ന വിഷം ഈ ദുനിയാവില്‍ കുറച്ചു പേരിലെങ്കിലും കുത്തിവച്ചിരിക്കുന്നു ആയതിനാല്‍ ഇനിയും വിഷ പാമ്പുകള്‍ തലപൊക്കാന്‍ സാധ്യത ഉണ്ട്.

അക്ക്രമിയായി മാറിയ ഇവനെ ആദ്യം തന്നെ അഭയം നല്ക്കിയതും അവിടെ തന്നെ വെച്ച് ഇവനെ കൊന്നു എന്ന്‌ പറയുന്നത് ഒരേ രാജ്യംമായ പാക്കിസ്ഥാനിലാണ് അന്ന് അവര്‍ അമേരിക്കയുടെ വലാട്ടികളായിരുന്നു ആയതിനാല്‍ സ്വന്തം രാജ്യത്ത് അമേരിക്കന്‍ കേറി നിരങ്ങിയപ്പോള്‍ അവര്‍ അറിഞ്ഞില്ലാ എന്ന്‌ പറയാനോ പറ്റുകയൊളും .

എന്തിനേറെ പറയുന്നു ഇസ്ലാമിന്റെ പേരും പറഞ്ഞു ഇവന്‍ സ്വന്തം രാജ്യത്തെ പോലും അക്ക്രമിച്ചു. അതോടു കൂടി അവന്‍ മുസ്ലിം ലോകത്തിനു തന്നെ കണ്ണിലെ കരടായി മാറി അവര്‍ ഇവനെ അവിടെന്നൊക്കെ ആട്ടി ഓടിച്ചു. പാല്കൊടുത്തു വളര്‍ത്തിയവന്‍റെ ജനങള്‍ക്ക് നേരെ ഇവന്‍ അക്ക്രമങ്ങള്‍ തൊടുത്തു വിട്ടപ്പോള്‍ നിരപരാധികളായ ആയിരങ്ങള്‍ അവിടെ പിടഞ്ഞു മരിച്ചു. വളര്‍ത്തു പുത്രനെ തേടിയുള്ള പേരില്‍ ലക്ഷ കണക്കിന് മുസ്ലിംങ്ങളെ അവര്‍ കൊന്നൊടുക്കി പല രാജ്യങ്ങളും തകര്‍ക്കപെട്ടു. ഇതിന്‍റെ ഒക്കെ കാരണക്കാരന്‍ ഇവന്‍ തന്നെ .

ബെല്ലിമ്മാ... ഇഞ്ഞു പറയൂ ...തന്‍റെ കുടുംബവും, നാടും, വിടും, സ്വത്തും സമ്പത്തും നാളിതു വരെ എടുത്ത ഇബാദത്തും എല്ലാം ഹറാമായ വഴിക്ക് വിനിയോഗിച്ച ഇയാളെ ആരെങ്കിലും കൊല്ലുന്നതല്ലേ നല്ലത് ?

തീര്‍ച്ചയായും മോളെ അതങ്ങിനെ തന്നെ വേണം. ഇസ്ലാമിന്നു നിരക്കാത്ത കാര്യം ഇസ്ലാമിന്റെ പേരുംപറഞ്ഞു പാവങ്ങളെ കൊന്നോടുക്കിയോനെ ഇതിനു മുന്‍പ് തന്നെ ആരെങ്കിലും കൊല്ലണമായിരുന്നു.അവന്‍റെ നാടിനെ ആരെങ്കിലും അക്ക്രമിക്കുകയോ അവന്‍റെ ദീനിനെ അപകടപെടുത്തുക,സമൂതായത്തെ ഒന്നടങ്കം ഇല്ലായ്മ ചെയ്യാന്‍ ആരെങ്കിലും ഇറങ്ങി പുറപ്പെട്ടാല്‍ അതിനെ എതിര്‍ക്കുന്നതിനു വേണ്ടി ഇസ്ലാം വിധി വിലക്കുകള്‍ അനുസരിച്ച് അവന്‍ അറിവുള്ളവനായതിനാല്‍ മുന്‍പില്‍ ഇമാമായി നിന്ന് കൊണ്ട് അവന്നു ജിഹാദ് ചെയ്യാമായിരുന്നു. അവന്‍റെ സകല സമ്പത്തും ജീവനും നല്‍കി പൊരുതാമായിരുന്നു. അങ്ങിനെയായിരെന്നെങ്കില്‍ അല്ലാഹു അവനു ശഹീദ്ന്‍റെ പുണ്ണിയം നല്‍ക്കി മരണാന്തര ജീവിതം നല്ക്കുമായിരുന്നു. തീര്‍ച്ചയായും അവന്‍ സ്വര്‍ഗത്തില്‍ പ്രവേശിക്കുകയും ചെയ്യുമായിരുന്നു. എന്നാല്‍ നീ പറഞ്ഞത് അനുസരിച്ച് നോക്കിയാല്‍ അവന്‍ ഇപ്പോള്‍ തന്നെ നരകത്തിന്റെ അവകാശി ആയിമാറികഴിഞ്ഞു.

പിന്നെ ബെല്ലിമ്മാ അയാളുടെ മയ്യത്ത് ഇതുവരെ ആര്‍ക്കും കൊന്നൂ എന്ന്‌ പറയുന്നവര്‍ വിട്ടു കൊടുത്തിട്ടില്ല കടലില്‍ തള്ളി എന്നാ പറയുന്നത് പടച്ചോന്‍ അറിയാം ഏന്താ ചെയ്തതെന്ന്. ഇപ്പം ബെല്ലിമ്മ പറയൂ ഇയാള്‍ ചെയ്തത് തെറ്റ് തന്നെ അല്ലേ ?

മോളെ ഇജു ഒരുപുറം മാത്രം ബായിക്കാതെ... ആ മയ്യത്ത് ഓന്‍ കൊണ്ടോയി പുയിങ്ങി തിന്നോട്ടെ. പിന്നെ ഓന്‍ ചെയ്തത് ഇജു പറഞ്ഞ പ്രകാരം സെരിയാനങ്കില്‍ ഇസ്ലാം വിരുദ്ധം തന്നെ. എന്നാല്‍ മയ്യത്ത് പോലും ഇസ്ലാമിക മുറക്ക് മറവു ചെയ്യാതെയും മറ്റും ചെയ്ത ആ ലോകപോലിസ് കളിക്കുന്നോന്‍ ഒസാമ ബിന്‍ലാദന്‍ എന്ന് മുസ്ലിം പേരുള്ള ഇവനേകാളും എത്രയോമാടങ്ങ്‌ ഭീകരവാദി തന്നെ. അതുകൊണ്ട് അവന്‍റെ ലക്ഷിയം മുസ്ലിമിനെ ഇല്ലായ്മ ചെയ്യല്‍ മാത്രമല്ല ഈ ദുനിയാവ് തന്നെ അവന്‍റെ കൈപിടിയില്‍ ഒതുക്കുക എന്നതാണ് ആയതിനാല്‍ ഇനിയും ഇതുപോലെ ബിന്‍ലാദന്മാരെ അവര്‍ ഇറക്കി കൊണ്ടുരിക്കും അതിന്നു അവനെ ഇമാം ആയി ബെച്ചിരിക്കുന്ന അറബ് രാജ്യകര്‍ക്കും മറ്റുള്ളവര്‍ക്കും ഇതുപോലെ ഇഞ്ഞും കിട്ടുമ്പോള്‍ അവര്‍ പഠിക്കും !!!